جواهر كركوك
الســـــــــــــــــــــــــــــــــــــــــلام عليكم
اخي الزائر نرحب بك في منتدى جواهر كركوك نرجو منك الدخول اذاكنت عضوا مفعلا او الى التسجيل اذا كنت زائرا علما ان الموقع بحاجه الى مشرفين حسب الشروط

اهلا بكم


منتدى يهتم بالثقافات العامة والمواضيع الجديدة في المجتمع العراقي والعربي صور \مقاطع\ برامج \ شروحات \ واجمل التنزيلات \ لكل العراقيين تحت شعار كلنا العراق..
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 جرح العراق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عراقي وافتخر
وسام التميز
وسام التميز
avatar

عددالمشاركات : 2584
الموقع : دنيا الفناء

مُساهمةموضوع: جرح العراق   الأربعاء 13 أبريل - 6:51

مذبوحه المحبه وناس تكره ناس
سويه الي يحب والقابض الجمره

حته الورد ما يرضه بعد بالماي
من دمنه تريد الورده والشجره

رقم جبنه قياسي بالقتل والموت
وصرنه اول شعب نص اهله متهجره

نهر دجله يـا ناس من الجثث غرگان
خلي نمد ادينه لدجـــله وانجرّه

على جثثنه ادور هالفضـــائيات
ياهو الي يصــور ياخذ الاجــره

معصوبه العـــــيون مچتفه الايدين
وانواع الرصاص يچوب بــصدره

لا اهله اجوي وچـــفّنوا بچـفان
مجـهوله الـــهويه ومن درة بأمره

اذا امّه الــــحنونه الصايمه برمضان
ما اكــلت اكلهه وبقت تـــنتضره

تنــــتضره يرد وتريد تحــجي وياه
اثاري العيــــد لازم ينگطع مهره

لان باعت ذهبهه بشارع الصياغ
حته تزوج ابنهه الما فرح عمره

ما نامت بقت سهرانه كل اليل
ايا ليل العراق الما بزغ فجره

وما جاهه صبر طلعت تدور عليه
مثل طلعة حمامه بعينهه العبره

وما شافت ابنهه وجاهه ملك الموت
تعرف شنهي يعني تموت بالحسره ؟؟

معناها الفرح صاير مثل رجال
شايل ورده بيده وخنجر بضهره

معناها عراقك كاتل ومكتول
سوده گلوبهم وعقول مفتره

وكل هذا ويگلي احنه العراقيين
سنه وشيعه عشنه الحلوه والمره !!

لا والله چذب احنه العراقيين
سنه وشيعه مثل الضره عالضره

ملينه الچذب وليمته وليا دوب
واقع حال لازم نخضع لامره

ملينه الچذب وليمته وليا دوب
قصايدنه اجت للناس متأخره

نعم خوان احنـــــــــــــــــــــه
نعم خوّان احنه وياك آني بهاي
بس مو من بعد تفجير سامرّه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
جرح العراق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جواهر كركوك :: جـــــــــــــواهر الــــــــــــــــــــعامــــــــــة :: المواضيع العامة-
انتقل الى: